利寶閣 (Closed)

早前先知利寶閣有放題，平時日式放題就食得多，中式真係未食過，所以想試好耐，奈何無咩朋友喜歡食中式，今次終於約到人一試。逢星期三有折就更加抵。可以任食片皮鴨同牛柳，鐘意食都幾抵。片皮鴨啲片都整得薄，但是鴨可能出面放耐少少，皮唔脆，但都ok 牛柳幾好食嘅，不過feel 到佢調味料重每個人仲有佛跳牆同蝦天使麵。湯足料，有鮑魚，但是其他料味道淡，我覺得佢比啲好味嘅老火湯會兩吸引。天使麵無影近相，上湯味幾好味，不過我自己覺得佢轉伊麵更好味。其實如果食晒上面啲嘢，個人都飽飽地。不過我就係睇中佢menu 有酸菜魚同水煮牛來，點可以唔叫兩樣都好食，不過就真係唔係我個expectation 果種味，唔正中。啲魚滑，湯就酸味無辣味，幾好食。水煮牛唔辣不過味道搭救，可以的。之後仲叫左啲蝦ar 蟹同乳鴿，份量唔錯寫1就一隻，寫2就兩隻。蟹就懷疑佢翻炒，炒到乾晒，浪費左隻蟹，好大隻仲有膏。全晚最好食係乳鴿，即整熱juicy, 可惜我太遲叫，食果陣已經飽飽地，唔係應該要食一隻。再叫左甜品有杏仁茶、紅豆冰同雪糕。杏仁茶最好味。大家都可以試下中式放題，幾新穎。