景逸軒 (Closed)

之前每一次去「景逸軒」都係去紅磡海逸酒店既分店。如果唔係朋友提起，真係完全唔知道原來佢喺天文台道呢棟新既商廈開左新分店，以後終於唔駛山長水遠由尖沙咀行天橋過去喇！台南七味豆腐 ($52)：細細粒既豆腐炸到剛剛好，外脆內軟之餘「一口牛」既size令佢可以一啖就食晒落肚，更難得既係佢唔算太熱氣添！脆皮燙手乳豬（半隻）($338)：乳豬既皮出奇地脆，肉質肥瘦適中，唔似平時擺酒肥到漏油既質素，雖然做唔到「燙手」，但微熱既感覺入口時都值得一讚既！脆皮素鵝 ($48)：入口時鬆脆既感覺令我覺得佢係即叫即炸，素鵝裹面既材料都算豐富，鍾意食香口野既朋友記住唔好錯過呀！瑤柱花膠四寶羹 ($198)：五個人食剛剛分到五大碗，不過如果D花膠同瑤柱可以大粒D就更加好喇！琥珀雀巢海中寶 ($128)：材料非常十足，除左常見既帶子同埋鮮魷之外，重有石班、帶子、合桃、紅椒同埋蜜豆等等調起D味，正！八寶時蔬併盤 ($88)：對於鍾意食清淡食物既朋友真係不可不點，但老實講作為「食肉獸」既我只係一般！濃湯桃膠浸菜芯 ($88)：浸菜芯落左女士們最鍾意、功效近似燕窩既美顏食材桃膠。桃膠又稱桃脂，乃桃樹既天然分泌物，會在樹上