Video
Read full review
2021-11-15
969 views
好友快將生日，當然要請佢食餐飯慶祝。友人愛吃粵菜，特意選了西九龍中心這間評價不俗的「凱日宴會廳」。餐廳提供早茶晚飯、壽筵喜酌、婚慶滿月、麻雀卡拉 OK 等全面餐飲娛樂服務。店內地方頗大，空間感十足，用餐大堂開揚闊落，配上天花嘅華麗吊燈，裝潢高貴優雅。點左三個小菜，包括清蒸沙巴龍躉、金蒜蒸蟶子、姬松茸海參豆腐煲。晚市茶芥 $12/位 、絲苗白飯 $14/碗、小食 $12/碟。沙巴龍躉係晚飯精選推介之一，只係 $58 條，非常抵食，大約有一斤重。魚肉雪白有彈性，肉質鮮甜嫩滑，火侯掌握得啱啱好，豉油不會過鹹，蔥花帶出魚肉嘅鮮味，用嚟送飯一流。金蒜蒸蟶子 ($38@) 蟶子嘅 Size 雖然唔算特大，但勝在肉滑鮮甜，蒜蓉嘅香味完全滲晒入去蟶子之中，而蟶子嘅鮮味亦被粉絲充分吸收，夠晒惹味，真係令人回味無窮 。另外呢個姬松茸海參豆腐煲 ($138) 亦值得推介，姬松茸被譽為「菌中之王」，對抗病及提升免疫力的功能遠勝其他菌類。海參爽滑得來又帶點彈性。豆腐入口熱辣辣又滑嘟嘟，佐上濃香的醬汁，滋味滿分。最後為好友點來了蓮蓉壽包 ($16@) 作結，壽包新鮮出爐，把包子掰開，趁燙熱未散吃一口，包身軟
好友快將生日，當然要請佢食餐飯慶祝。友人愛吃粵菜，特意選了西九龍中心這間評價不俗的「凱日宴會廳」。
餐廳提供早茶晚飯、壽筵喜酌、婚慶滿月、麻雀卡拉 OK 等全面餐飲娛樂服務。店內地方頗大，空間感十足，用餐大堂開揚闊落，配上天花嘅華麗吊燈，裝潢高貴優雅。
點左三個小菜，包括清蒸沙巴龍躉、金蒜蒸蟶子、姬松茸海參豆腐煲。晚市茶芥 $12/位 、絲苗白飯 $14/碗、小食 $12/碟。
沙巴龍躉係晚飯精選推介之一，只係 $58 條，非常抵食，大約有一斤重。魚肉雪白有彈性，肉質鮮甜嫩滑，火侯掌握得啱啱好，豉油不會過鹹，蔥花帶出魚肉嘅鮮味，用嚟送飯一流。
金蒜蒸蟶子 ($38@) 蟶子嘅 Size 雖然唔算特大，但勝在肉滑鮮甜，蒜蓉嘅香味完全滲晒入去蟶子之中，而蟶子嘅鮮味亦被粉絲充分吸收，夠晒惹味，真係令人回味無窮 。
另外呢個姬松茸海參豆腐煲 ($138) 亦值得推介，姬松茸被譽為「菌中之王」，對抗病及提升免疫力的功能遠勝其他菌類。海參爽滑得來又帶點彈性。豆腐入口熱辣辣又滑嘟嘟，佐上濃香的醬汁，滋味滿分。
最後為好友點來了蓮蓉壽包 ($16@) 作結，壽包新鮮出爐，把包子掰開，趁燙熱未散吃一口，包身軟熟、蓮蓉香甜、蛋黃恰如其分，美味。
臨走前睇左門外嘅宣傳告示牌，酒樓設有雀局自選套餐，包電動麻雀，而且朝頭早 9:00 就已經可以開檯，下次一定要約多幾個好姊妹一齊過嚟竹戰。
Post
