Take Mori Food (Moved) New Location

今晚一支公嚟到工業區揾食，地點唔算就腳，亦唔偏辟，火炭站扶手電梯行過去約五分鐘。呢間日式小店，位處工業區，仲要喺上樓，所以對環境不能苛求，款式唔算多，刺身新鮮厚身，價格適中。選咗一款定食，有日本生蠔、剌身、蟹柳沙律、鰻魚飯、仲有串燒、麵鼓湯、甜品，280元，算超值。間嘢午市做50-60元的日式套餐，晚市先至有刺身壽司串燒等提供。顧客可以自己帶酒，免開瓶費，又幾好。晚市人唔多，營業至10點半，老闆算客氣，會介紹各種食材。托羅壽司先至50元一份，上樓喺平D，值得一試。