Video
Read full review
2020-10-19
28 views
聲明：此文純屬自費性質，並無廣告成份！所有照片及文章全屬本人(Monkey Mama)所有! 謝謝！行街行過彌敦道見到張海報好吸引，係張花膠濃雞湯打邊爐，好正咁。入到去點左半隻雞 - 花膠濃湯雞鍋 （$218）, 個雞十分肥美，嚟到嘅時候有啲黃油向面，睇得出雞肉好結實，似係走地雞，而且仲有成7-8隻花膠筒，每隻有約6 x 6 cm咁大隻，骨膠原豐富,夠曬滋補養顏，養生勝品.手打墨魚丸 （$78 - 半打）佢有手打墨魚丸或者手打墨魚滑， 鍾意自己玩， 續少續少“滑落”煲嘅，可以點墨魚滑，我就想方便快捷，就點左丸, 食落爽滑彈牙， 有少許墨魚細粒咬吓～芝士流心牛丸 （$42 - 半打）我覺得呢個係必點嘅配料！！佢嗰隻芝士係真流心而且勁重芝士香味，係拉絲芝士！牛肉丸嘅質地都好彈牙！羊肉片 （$68）羊肉片$68份量勁多,重點係一啲都“蘇”，同埋唔會好多肥膏！ 肉營養價值高,仲有維持免疫力嘅功能,連埋花膠雞湯底一齊食，對身體更加健康，更滋補！鮮枝竹 （$35）黑柏葉 （$68）鮮枝竹同黑柏葉都係勁“short"湯, 兩者表面充斥濃濃的花膠湯底, 變得十分鮮甜少食黑栢葉嘅朋友要提提你~千祈唔
行街行過彌敦道見到張海報好吸引，係張花膠濃雞湯打邊爐，好正咁。
入到去點左半隻雞 - 花膠濃湯雞鍋 （$218）, 個雞十分肥美，嚟到嘅時候有啲黃油向面，睇得出雞肉好結實，似係走地雞，而且仲有成7-8隻花膠筒，每隻有約6 x 6 cm咁大隻，骨膠原豐富,夠曬滋補養顏，養生勝品.
手打墨魚丸 （$78 - 半打）佢有手打墨魚丸或者手打墨魚滑， 鍾意自己玩， 續少續少“滑落”煲嘅，可以點墨魚滑，我就想方便快捷，就點左丸, 食落爽滑彈牙， 有少許墨魚細粒咬吓～
芝士流心牛丸 （$42 - 半打）我覺得呢個係必點嘅配料！！佢嗰隻芝士係真流心而且勁重芝士香味，係拉絲芝士！牛肉丸嘅質地都好彈牙！
羊肉片 （$68）羊肉片$68份量勁多,重點係一啲都“蘇”，同埋唔會好多肥膏！ 肉營養價值高,仲有維持免疫力嘅功能,連埋花膠雞湯底一齊食，對身體更加健康，更滋補！
鮮枝竹 （$35）黑柏葉 （$68）
鮮枝竹同黑柏葉都係勁“short"湯, 兩者表面充斥濃濃的花膠湯底, 變得十分鮮甜少食黑栢葉嘅朋友要提提你~千祈唔好淥咁耐, 最盡15秒好了, 熟得濟的黑栢葉會太un的~
天氣開始涼涼地，打吓依啲咁滋補嘅邊爐的確唔錯.
Post
