Double Tree (Closed)

每個月都會同朋友飯聚，今次揀咗灣仔區。餐廳面積大，有卡位坐得舒服。今晚同朋友叫咗兩個 dinner set，餐廳d set 選擇好多，有焗飯、扒類、意粉等等。上菜速度快，唔使等好耐就有得食。地點易搵，門口有位泊車。龍蝦湯 $38味道較酸，飲落唔似龍蝦湯，但海鮮料好足。前菜:三文魚凱撒沙律 $58份量適中，多菜爽口。三文魚香芒沙沙 $58有唔同生果配埋，幾開胃。主菜:金牌鮮菌焗豬扒飯 $98豬扒份量多，有5塊左右，但口感過熟。蛋絲炒飯好食，雜菌、蕃茄汁同芝士份量好夠，撈飯食一流。海盜燒羊脾扒配薯菜 $118孜然味好香，羊脾扒有2塊，而且size 仲好大塊，一個女仔食嘅會好飽。薯菜就有蕃茄仔、茄子、薯仔、豆角，配埋個汁好match。自家制甜品:北海道3.6焦糖布甸奶味好重，囗感夠滑。紐約芝士蛋糕細細件，容易食，但芝士味唔太重，質感比較硬身。凍芝麻泡沫奶茶 $28一見到佢，即時覺得佢似肧芽好立克d朋友，可能熱飲會好d，凍飲攪拌後飲落只有淡淡的芝麻味同未溶晒嘅芝麻粉，感覺有少少怪，奶茶就唔算甜。