籠太子點心專門店

Open Now

Now Closed

朋友約係太子食飯，竟然話去飲茶。夜晚飲茶真係好似都係第一次，而且店鋪重要叫做「籠太子」咁威水，一於睇下有咩咁勁叫到做龍太子~蜜味叉燒腸的腸粉熱辣辣。但係粉漿略為厚了點，叉燒份量唔夠同豉油唔夠，所以味道淡了點，重有少少乾爭爭的感覺。堅流心，蒸的時間同埋配料份量剛剛好，做到流心的感覺。唔會太甜同太膩，味道唔錯。但係流心的量唔夠大，唔夠過癮咸水角熱辣辣，炸得夠脆夠新鮮。入面材料的味道同市面的分別不大，勝左夠新鮮出爐。多醬蒸鳳爪，其實即係鳳爪。醬汁與鳳爪的味道材料都同市面的冇咩分別，醬汁夠濃但唔算話真係好多醬~哈哈小籠包好食既，入面的肉汁的確唔少，可以啜啜聲咁飲湯汁的確唔錯。肉質同皮都唔錯，幾好食。感覺上所有點心中最有驚喜的一道，入面有芝士同埋好鮮味的蝦膠，好多汁。出面用面條包住黎炸，炸卜卜幾好食。不過炸得比較油膩左少少，女仔食小心肥呀！海鮮蘿白絲煎薄餅，其實唔好好食到蘿白的味道同口感，只係一道比較脆身的中式煎薄餅。但味道的確唔錯，都幾好食。