Video
Read full review
2024-05-06
97 views
呢區嘅茶餐廳/冰室數目比美旺角，途經見到呢間門面明亮同大間，望下電子餐牌晚市套餐都幾岩食。內裏裝飾比較”金碧”，出菜位上放滿式日式威士忌，多卡坐位，坐得幾舒服，地面都算幾乾淨。小菜套餐包埋湯及白飯，是日餐湯係紅蘿蔔煲豬骨，好有親切感。另加$12就有特飲，分別叫咗柚子及青檸梳打，大大杯又夠氣感，爽呀。飲完湯，最先上枱係去骨水門海南鷄 ($129/半隻)去埋骨啖啖肉，鷄皮唔食可輕易撕走，鷄肉幾嫩滑，點埋特色鷄醬汁一齊食，唔錯。蔬菜類穩打之選，海皇什菜煲 ($93)，清清地有菜又有海鮮類。有菜芯西蘭花，魷魚，厚切魚塊，蜆肉及蝦，加埋雜菇粉絲大大煲，味道清甜。平時少食魚，叫餸食飯蒸條魚都唔錯，茶餐廳多數都有豉汁蒸倉魚 ($99)，同樣即叫即蒸。滿滿芫荽下就係豆豉，成條倉魚二人分享都夠食。倉魚唔多細骨，魚肉點豉汁好好送飯呀，趁熱快D食先。無限用餐時間，小菜味道同酒樓出品唔差好遠，但價錢相宜好多，難怪入坐率都唔低。
內裏裝飾比較”金碧”，出菜位上放滿式日式威士忌，多卡坐位，坐得幾舒服，地面都算幾乾淨。
小菜套餐包埋湯及白飯，是日餐湯係紅蘿蔔煲豬骨，好有親切感。
另加$12就有特飲，分別叫咗柚子及青檸梳打，大大杯又夠氣感，爽呀。
飲完湯，最先上枱係去骨水門海南鷄 ($129/半隻)
去埋骨啖啖肉，鷄皮唔食可輕易撕走，鷄肉幾嫩滑，點埋特色鷄醬汁一齊食，唔錯。
蔬菜類穩打之選，海皇什菜煲 ($93)，清清地有菜又有海鮮類。
有菜芯西蘭花，魷魚，厚切魚塊，蜆肉及蝦，加埋雜菇粉絲大大煲，味道清甜。
平時少食魚，叫餸食飯蒸條魚都唔錯，茶餐廳多數都有豉汁蒸倉魚 ($99)，同樣即叫即蒸。
滿滿芫荽下就係豆豉，成條倉魚二人分享都夠食。倉魚唔多細骨，魚肉點豉汁好好送飯呀，趁熱快D食先。
無限用餐時間，小菜味道同酒樓出品唔差好遠，但價錢相宜好多，難怪入坐率都唔低。
Post
