Italian Tomato Café (MOSTown新港城中心) (Moved) New Location

ltalian tomato 算係性價比唔錯既連鎖西餐廳，士多啤梨蛋糕又好好食。新港城既舖位偏小，開放式坐位，尚算舒適。服務員有禮，會細心解答問題。首先食咗個正餐，再食蛋糕。兩個意粉賣相都唔錯，意粉硬度適中，蒜香味十足，炒得好香。份量唔多，啱啱夠一個女仕食，可能俾你留肚食蛋糕。蒜香柏士圖意式風乾火腿意粉香煎帶子蒜香煙肉意粉炸魷魚圏拼洋蔥圏炸野冇得輸，但每樣得三件，唔夠食，要同朋友斗快手。凍榛子朱古力咖啡太耐冇飲既邪惡飲品，真係好好飲。士多啤梨朱古力蛋糕重點黎啦！蛋糕時間！士多啤梨朱古力蛋糕 -- 依隻係新出既口味，即係皇牌士多啤梨派 + 朱古力，兩樣都係我既最愛。忌廉，海綿蛋糕都有好濃郁既朱古力味，又好幼滑，而士多啤梨又有一貫既水準，值得一試。不過朱古力味太重，搶咗士多啤梨既風頭，真係好難平衡。至於鮮果千層酥, 生果係好新鮮, 可惜個千層酥唔夠脆, 期望係拿破崙咁脆。