尚八日式燒肉店 (Closed)

前幾日係fb見到尚八既廣告，就等今日放早同朋友過黎食。佢係分時段收費，我地5點幾左右到，所以就食早段比較便宜既價錢，但呢個時段只可以食到7點半，所以有位再點單再等佢地送食物過黎，都係淨返一個鐘左右時間可以食。二個人食會送一盤魚生，份量就係一人一片😅佢既食物種類唔多，但都有d海鮮可以選擇。我地叫左好多唔多款又唔同味既肉，但佢地就一次過用同一個盤上，好碎咁，細細塊，基本分唔出乜味同乜肉。。海鮮都麻麻，雪藏味比較重。由於得一個鐘食，所以未食飽，d野食未燒完已經比人催埋單，感受不太好。