煮打菜打冷小菜館 (Closed)

夜晚同屋企人黎呢到食潮州菜，餐廳地點係耀東邨對面，搭地鐵同巴士都好易去到。餐廳入面幾張大檯，另外細檯同卡位都有，無論人多人少都好岩係個到一齊食飯。我地四個人叫左幾碟餸一煲湯😋第一道黎既菜係滷水併盤，真係咩料都有，全部都滷得好入味。我自己就最鍾意豬耳同豬大腸😁😁爆花蠔餅，岩岩炸起真係好鬆脆，入面既蠔仔亦幾大粒。香芋滑雞煲，雞真係堅滑，成個煲好惹味，用黎撈飯應該唔錯，可惜我地實在太飽無再叫飯😂大白鱔煲，我自己本身麻麻地食鱔，但叫左都食下，我覺得比我平時食到既好食，魚肉夠滑唔腥，魚皮又好有彈性😲帶子蒸豆腐，呢個上面淋左豉汁，豆腐好滑，成個配搭好夾，好食！呢晚既老火例湯既材料有雪耳、佛手瓜同豬肉，放左少少蜜棗，飲落好清甜，真係真材實料，唔係味精湯😂叫得唔算太多但碟碟都大份，所以最後食唔哂，但唔可以做大嘥鬼，決定打包兩盒拎走！