薩莉亞意式餐廳 (平田商場) (Closed)

第二次嚟呢間食晚餐，食物好平靚正。中華沙律🥗$9，但佢唔好食，我唔鍾意嗰個海草，因為搭配好怪，同我平時食嗰啲海草係好似煮熟咁，即係好似我哋平時煮菜心咁嘅味道，所以我唔鍾意食。但因為我會嗌啲肉類，所以我就揀咗海草，但我唔知原來係咁唔好食。粟米忌廉湯$10，我好鍾意❤️嗰個粟米🌽，開頭想試吓呢個，但估唔到幾好味😋，佢同忌廉好襯，我下次嚟都會嗌呢個。蕃茄煙肉意大利粉🍅🥓🍝 $29，蕃茄味好濃，煙肉一般，所以呢個味道都一般，下次可以試卡邦尼意粉。照燒汁肉眼牛扒🥩$57，係所有菜入邊最貴嘅菜式，其實我開頭都唔知點解佢咁貴，但試咗先知牛扒🥩好Juice，而且好嫩。同粟米薯角好襯，因為粟米🌽好甜，薯角一般但都好味😋。甜品一定係必不可少嘅，我就會嗌意大利布甸🇮🇹🍮,布甸好甜又好滑，同我平時食開嗰啲布甸🍮唔同，焦糖好正😋，非常喜歡😍😍😍，下次嚟一定會嗌呢個。呢一餐是$121，唔使$200就可以食到咁正嘅美食，真係又平又靚又正，下次都會嚟呢間食，不過你哋千祈唔好去飲品吧，唔好貪小便宜啊，我頭先去飲品吧睇到，嗰啲杯有油積㗎，哦但店員好友善，勉強可以接受呢間餐廳。希望佢嘅衛生情況可以改善。多謝合作。