Video
Read full review
2019-09-03
533 views
一街都係米線店，唔同派別，各有所好，麻辣川係其中一間評價唔錯嘅，最近試過覺得還好而已，不足以令我地想回訪長沙灣、葵芳都有麻辣川，兩間裝潢幾唔同，長沙灣店店面狹小，算幾企理、光猛。採用自助落單，手機掃一掃，麵底、配料、辣度自選。米線4種湯底：雞湯、麻椒、麻酸辣、酸辣，定價$35，跟一款6蚊嘅配料，額外配料超過50款，定價$6/8/11。款式多，肥牛、牛腩、大腸、腩肉、丸餃類等有齊。不過雞翼居然欠奉，只有單點小食。如果好似我呢種雞翼控，成本高左啲。米線預設有芽菜、韭菜、菜脯粒等，分最小/小小/小/中小/中/大6個辣度。我地唔算好食得辣，譚仔2小，喺呢度點中小就啱啱好。另外有唔少小食，例如雞翼、豬頸肉、柱侯牛腩等，價錢都唔平。豬肉椰菜餃、蘿蔔麻椒米線 $43/中小辣腐皮、滷豬大腸麻酸辣米線 $43/小辣腐竹、蘿蔔呢啲平價配料頗多，加錢嘅餃子兩粒，大腸四件仔，一般貨色，甚至我覺得蘿蔔幾難食，唔夠腍中小辣嗰碗湯底明顯比較橙，油份唔算好重，飲得入口嘅程度，有少少麻辣鍋感覺，味精感重，就似譚仔、三哥之流，愈飲愈停唔到手。麻酸辣湯底好微酸、幾乎唔辣，冇咩特別。湯底有菜脯，爽脆；芽菜、韭菜份量甚少。米線
米線4種湯底：雞湯、麻椒、麻酸辣、酸辣，定價$35，跟一款6蚊嘅配料，額外配料超過50款，定價$6/8/11。款式多，肥牛、牛腩、大腸、腩肉、丸餃類等有齊。不過雞翼居然欠奉，只有單點小食。如果好似我呢種雞翼控，成本高左啲。
米線預設有芽菜、韭菜、菜脯粒等，分最小/小小/小/中小/中/大6個辣度。我地唔算好食得辣，譚仔2小，喺呢度點中小就啱啱好。另外有唔少小食，例如雞翼、豬頸肉、柱侯牛腩等，價錢都唔平。
豬肉椰菜餃、蘿蔔麻椒米線 $43/中小辣腐皮、滷豬大腸麻酸辣米線 $43/小辣
腐竹、蘿蔔呢啲平價配料頗多，加錢嘅餃子兩粒，大腸四件仔，一般貨色，甚至我覺得蘿蔔幾難食，唔夠腍
中小辣嗰碗湯底明顯比較橙，油份唔算好重，飲得入口嘅程度，有少少麻辣鍋感覺，味精感重，就似譚仔、三哥之流，愈飲愈停唔到手。麻酸辣湯底好微酸、幾乎唔辣，冇咩特別。湯底有菜脯，爽脆；芽菜、韭菜份量甚少。
米線幼身，滑溜唔太腍，成碗米線普通都不行。
烤燒麻椒雞翼 $32/4隻雞翼救番成餐飯，一份四隻，size偏大，燒得香口，外皮夠脆唔過燶肉質嫩滑唔乾，帶少少麻辣味。除左麻椒，仲有蜜糖、香草、花雕口味，可惜冇得雙拼。
Post
