吾家 (Closed)

呢間新開業既餃子小店🥟，見到裝潢幾得意就入左去試下😋以橙色做主色的裝潢，入到去充滿復古既感覺，入面企理乾淨，位置都坐得舒服。-粟米鮮肉煎餃 加8蚊 准山麵🥟🥘餃子煎得香口，皮算薄身，咬開粟米都幾多粒，外香脆內軟熟，不錯！准山麵配上自家的蕃茄薯仔湯，清甜微酸，薯仔煲到好淋，岩啲鐘意食淋薯仔既朋友仔。粟米鮮肉湯餃 加8蚊 准山麵🥟🥘湯餃一樣都簡左粟米餃，個人覺得煎餃比較好食😆炸花枝丸🍢大大粒既花枝丸，配上泰式辣醬，都不錯的，略嫌質地比較粉同實。