板長壽司 (Closed)

是日唔知食乜好，然後就去左食板長喇。首先有4款壽司。呢4款入面，左上嘅蝦我覺得唔好食無蝦味。右上嘅三文魚腩最好食，都算好肥美新鮮。左下嘅帶子都不錯，都幾鮮甜。右下嘅腐皮由男朋友清哂，佢覺得正常無特別。呢個好似係油甘魚，我覺得唔好食，好似發泡膠。然後有三款軍轞，其實呢三款都麻麻地。最左嘅係吞拿魚，我覺得好腥好難食。中間係蠔，蠔本身應該唔太新鮮，加左好多醬汁，唔好食。右邊嘅海膽，賣相好靚咁，不過有啲腥，但我覺得都可以接受。呢個鰻魚芝士卷反而好好食！鰻魚肥美無骨，配埋芝士係好正。呢個牛嘅卷物都幾好食，啲牛好香，不過韌左少少。整體而言，想食日本野嘅時候都會考慮，不過唔會特別推薦。