越南牛肉粉專門店 (Closed)

今日相約同事試下上環附近一間越南野，見佢成日都咁多人排隊，心諗究竟係咪真係咁好食呢🤔不過今次食完之後都覺得無咩特別，多人排應該係因為間舖面積細既關係姐套餐貌似幾抵，有小食送再加$28以下飲品，一於就叫呢個啦先試試我個生牛肉河配炸春卷。牛肉薄身無肥膏，河粉有啲鞋鞋地，個湯飲兩啖已覺口渴，好彩有杯咸檸七飲下；春卷炸得太乾又太油，味道一般同事叫左香茅豬頸肉湯河跟越式扎肉，兩種肉都夠彈牙好食，湯底仍然係唔建議飲用既呢度有樣野好係芽菜會分開上，落幾多食幾多自己話事；總括黎講中規中矩，下次或者會再黎