上海婆婆 (新都城中心) (Closed)

第一年跟老婆渡過元宵佳節，老婆想食餐上海舖頭慶祝。我地就揀左坐得舒服，環境好好既上海婆婆7點幾到，竟然唔使等位，入面好多大枱，亦有6人卡位，半卡位等，我地被安排一張2人既半卡位坐，枱面夠大，可以放到2，3碟菜打開餐牌，好多既上海菜都有得揀，我地揀左小籠飽（$36），担担麵（$48），黃金四季豆（$65）同埋蒜泥雲白肉（$62）小籠飽4隻，夠熱，鮮肉好味，皮夠薄而且入面包著半個飽既湯。可能薄得制，我食兩隻都不幸穿左，食唔到連湯帶肉既感覺，不過就算逼不得已咁分開食都幾好味担担麵，湯唔算好濃，無辣味，份量少，不過配料幾足，麵條亦有咬口，如果湯能夠杰啲，濃味啲就更好黃金四季豆，份量幾大，咸蛋黃多，而且上枱時仍然非常熱，睇得出剛煮好上枱。不過味道偏淡，豆角亦略硬，唔算好好味，雖然好多蛋黃，但味道好弱蒜泥雲白肉，上枱時給嚇呆。得幾塊白肉同白色粉皮，跟著係豉油同蒜蓉。完全唔同食開既蒜泥白肉，無油，豉油同蒜蓉係分開落，無勞埋。食落口，白肉好厚，肉質韌既，味道係豉油，同埋剛剛切好既蒜頭味。相比譚仔既蒜泥白肉好食好多，我第一次係上海婆婆叫呢個菜，係我食咁多次蒜泥白肉感覺最差既一次，似係食豬肉點豉油咁，差！