上海婆婆 (新都城中心) (Closed)

上海婆婆 (新都城中心) (將軍澳)今日特別想食小龍包 所以左呢間餐廳 餐牌係lunch既 我叫左套餐 有碗麵同一個小食 分量足夠 食物一般 北京炸醬麵估唔到係暖暖地 炸醬好足夠 食前撈一撈 味道更有層次 不過好重豉油味 得過鹹字 唔夠香 婆婆擔擔麵中規中矩 味道適中 辣度正常 麵條唔會硬 婆婆小龍包小龍皮薄薄地 唔會硬 入面既餡料足夠 加埋湯汁好正 湯汁香濃 唔會太油 仲熱辣辣 所以食時要小心 💵人均消費：$63✨環境衛生：7/10🙋🏻‍♀️推介指數：5.5/10 📍 將軍澳貿業路8號新都城中心2期2樓2013號舖

又到左晚上買外賣嘅時間，今晚我哋揀咗喺上海婆婆買外賣。買咗一個上海名菜炒鱔糊，攞到返屋企雖然唔夠熱，但醬汁香口，不過鱔的份量比較少，老公笑說是不是炒芽菜。另外再買多一個黃金炒飯，所謂黃金炒飯，其實即係鹹蛋炒飯，食得出有鹹蛋黃嘅香味。而且黃金炒飯炒出嚟飯粒好爽身，粒粒分明，而且加上鹹蛋黃嘅鹹香味真係令人食完再食。不過炒飯都冇乜其他配料，如果多啲材料會正啲。總體來說如果佢每碟份量加大一啲，就性價比比較高。

真係唔推介，晏晝去到食飯，疫情關係，冇乜人，唔使排隊，但係一入到去已經覺得好熱，好似冇冷氣咁，又焗唔緊要啦都入到黎啦，叫咗酸辣湯，好辣，又唔係好夠酸，雲吞啲皮好多，真係一般啲再叫咗醉豬手，啲豬手林到不得了，好似炆豬手咁，一啲彈力都冇，極度推介仲有叫咗蟹粉炒年糕，味道極似沙甸魚味，完全冇蟹同蟹膏味最突出嘅就係油炆筍味道啱啱好，有夠爽，值得推介嘅唯一嘅食物最後叫咗生煎包，正正常常如果排隊，就真係唔使入去食，寧願叫外賣，淨係叫佢油炆筍就算數

疫情關係屋企人唔想落街食飯，咁我就充當一個外賣仔嘅角色同屋企人買嘢食。喺OpenRice見到，上海婆婆做緊外賣自取半價，即管就係OpenRice個Apps度落單啦。Apps裏邊講話要7:05先ready， 7pm未到去到店舖見到個open rice 袋。 膽粗粗入去店舖度問我嘅order ready未，原來已經ready左放咗喺OpenRice袋度。order了一個上海粗炒，雖然係半價同外賣份量都非常足。我返屋企仲暖嘅， 味道保持水準不過不失， 店舖都好貼心準備了一包桂林辣椒醬By the way，個Apps一直都係顯示店舖準備中，直到九點幾先至更新為ready可以拎。如果店舖當食物完成，update番status 會更好. 如果唔係apps 內的 status 變得無意義。另外，屋企人好鍾意OpenRice袋，仲話下次嗌外賣都會帶埋去用循環再用😂😂

今次一家三口在這間餐廳享用晚餐，平時等位等到顛嘅餐廳，最近卻因為疫情而得幾枱客。。。最明顯服務態度比之前好得多了，而食物份量亦是以前的兩倍。😆😆唔知係咪因為無咩生意想挽救生意額所以咁呢？Anyway,今次用餐終於有返啲正常水準俾客人了，希望Keep住啦。。。

之前襯下午茶時段抵d去左食，唔多人亦唔洗等位。我就叫左一個黃金炒飯餐，跟餐仲有一杯豆漿。雖然話係下午茶餐，但係份量都幾多，夠曬飽，而且炒得好香嘅蛋黃味，$43仲要免加一真係抵食。

因為返到將軍澳已經兩點，係下午茶既時間，所以搵間有下午茶的店。套餐好抵食，有一主食加小食，仲有豆漿。擔擔麵好好味，花生味好香！個牛肉麵湯底好濃郁，肉好淋好入味。小籠包個皮好軟淋淋，夠薄，多汁。豆漿好好飲。紅油抄手就正正常常，但個油唔辣，好似無咁滋味。

今日我同太太兒子黎到上海婆婆食飯。到左門口即刻就有位笑容滿臉既侍應將我地帶到散座位，而且主動幫我地拎bb椅俾我歲半既兒子坐，仲好快幫我拎埋小朋友餐具。成晚 都食得好開心滿意，老婆仲話d侍應態度好好，下次一定會再黎。

上星期試咗午餐覺得都幾抵食，今個星期諗住再去食，朝早11:30一入到去有兩個侍應，有一台客，我哋話想坐埋邊嗰啲卡位，門口個侍應叫我地隨便坐，點知我哋坐低之後入邊嗰個侍應話呢度未開，叫我地出出邊坐，邊有可能咁樣講嘢㗎!如果未開就唔好開閘啦！結果我哋直接行出門口唔再幫襯，亦都唔會有下次！請教導一下嗰位員工啲服務態度

今日一家5個人去左將軍澳果間上海婆婆～本身呢間野，真係好多人等，真係有d膽心。但點知今日唔洗等位，非常開心！仲有卡位坐！我地叫左兩個「婆婆擔擔麵」$52/1，1辣1走辣。d麵唔太硬，又唔太淋，幾好～「雞絲水晶粉皮」$50/1 ，呢個我次次都叫，因為堅好食！「椰菜回鍋肉」$75/1 ，唔太辣，好夠味「婆婆小籠包」$36/1，1籠4粒，皮唔厚，又唔實又多汁「阿蘇大籠句包」$36/1，勁大個，唔掛之得叫大籠包，好多汁牙！「生煎鍋貼」$36/1，1碟3件，好夠味，大大隻，好飽「絲苗白飯」$15/1 ，都幾大碗下。不過呢就要比茶介，5蚊1個～又要比10%服務費但係唔知係未無咩人食，d菜都上得幾快！仲好熱辣辣既！整體都唔差～

昨晚一家人再來這裏食晚餐，點了很多食物，以下這三款，是我較喜歡的：1. 螺肉冷麵，夏天食最好，清清涼涼，沒有肉，怕肥的朋友最啱食！2. 冬菇小棠菜，冬菇夠淋，夠厚，又入味！3. 蔥花家常薄餅，煎得夠晒香脆，略嫌蔥花太少 ！鍾意食上海菜的朋友，不妨一試😋

這間新都城二期的上海婆婆，食過無數次，水準一直keep得很好，今天我叫了一個午餐套餐$63，酸辣湯麵加小籠包，酸辣湯湯底足料，不會太酸又不會太辣，恰到好處，小籠包皮薄多汁，只有四隻，真是不夠啊😄

今日午餐時間去左食，見入面得好少人，唔洗等位都有得入。我就叫左個午市套餐，有一個擔擔麵同三個牛肉包，就$63。首先個面方面d花生味都幾濃，而且有少少辣，不過係可以接受嘅程度，而個牛肉包都好香，特別係個皮煎得好脆，而且唔會太油，下次一定要再食。

My family and I loves Shanghai food. We love going to shanghai popo I think it’s our 10th time here at least. The drunken chicken we always order. Never disappoints. Also tried the sweet and sour fish for the first time. The sauce tasted just right but I think the fish could’ve been crispier. Matched well with pineapple and I think there was peach. The fried noodles in turn was rather bland. Would not recommend. The chicken soup pot was super big and filling. There’s wonton and half a chicken in

下午茶兩點幾的時間去食，唔洗等位就有得入。我叫左個下午茶餐黃金炒飯配豆漿，$49以下午茶價錢唔算好平，但係相比起正價已經平左。講返個炒飯方面，淨係聞已經好香，相當濃的蛋黃味，食的時候亦會經常食到蛋黃。味道絕對一流，唯一無咁好的地方就係炒飯料唔算太多，蝦亦得幾隻，但整體依然唔錯。