大渣哥茶記 (Closed)

想去食好多次，但係每次都見好多人 要等位，今日大約兩點鐘到見唔使等位，就入咗去食，座位比較迫。我哋二人叫咗黑椒牛扒蛋同埋雞扒炒公仔麵。雞扒炒公仔麵， 夠鑊氣又大碟，好食。太大碟食唔晒。黑椒牛扒太陽蛋跟薯條，牛扒暖暖哋，唔係即煎，汁就熱嘅，薯條就肯定即炸，熱辣辣脆卜卜好好食。黑椒汁冇乜黑椒味，似燒汁多啲，牛扒全熟有少少嚡口。76蚊唔抵食。花園餐廳下午茶鐵板西冷牛扒都係70蚊，包湯包嘢飲包餐包。總括嚟講普通通冇乜特別。牛扒要再努力，我食咗兩嚿就冇食喇。