Video
Read full review
2019-05-28
354 views
自從開舖起，每日逢午飯同晚飯時段都見到店門一條長長嘅人龍，於是今日終於去左試食！晚飯時間喺門口等左大約半個鐘，終於可以入座。店門有個自助售票機，揀啱食物已經可以直接比錢，非常方便。會錢算實惠，一百蚊鬆啲已經食到300g 三拍子牛肉。入座後發現由於舖面好細，座位坐得一啲都唔舒服，而且四處都係油煙以及黐納納。等食物喒山過程亦好慢長，以鐵板牛肉呢種唔需要烹調嘅食物來講，最後都等左十五分鐘先有得食，估計應該係唔夠鐵板。因為係自助式餐廳嘅關係，食物準備好之後，要親自去領取，呢個鐵板嘅size非常細，攞起手更加發現好唔穩陣，而鋪頭又窄，所以攞返去座位嘅途中就非常之危險。而且餐廳提供嘅刀竟然咁鈍，可以話係唔適合切肉，再加上個鐵板咁細，完全無位切肉，一定要另外搵一隻碟裝住先可以切到啲牛肉。食物黎到之後更加發現鐵板唔夠熱，六七分鐘後已經成塊凍左，肉都未煮熟（外層啱啱好唔錯，但中心係得2-3成熟）。朋友話上次嚟食嘅時候，情況並唔係咁，所以相信係因為人太多而唔夠時間預熱鐵板。雖然店員有話隨時可以去拎新嘅鐵板繼續燒，但見到佢地根本趕唔切預熱鐵板，要攞新一塊一定有排等...所以最後只能夠食左外層熟度啱啱好嘅部份
晚飯時間喺門口等左大約半個鐘，終於可以入座。店門有個自助售票機，揀啱食物已經可以直接比錢，非常方便。會錢算實惠，一百蚊鬆啲已經食到300g 三拍子牛肉。
入座後發現由於舖面好細，座位坐得一啲都唔舒服，而且四處都係油煙以及黐納納。等食物喒山過程亦好慢長，以鐵板牛肉呢種唔需要烹調嘅食物來講，最後都等左十五分鐘先有得食，估計應該係唔夠鐵板。因為係自助式餐廳嘅關係，食物準備好之後，要親自去領取，呢個鐵板嘅size非常細，攞起手更加發現好唔穩陣，而鋪頭又窄，所以攞返去座位嘅途中就非常之危險。而且餐廳提供嘅刀竟然咁鈍，可以話係唔適合切肉，再加上個鐵板咁細，完全無位切肉，一定要另外搵一隻碟裝住先可以切到啲牛肉。
食物黎到之後更加發現鐵板唔夠熱，六七分鐘後已經成塊凍左，肉都未煮熟（外層啱啱好唔錯，但中心係得2-3成熟）。朋友話上次嚟食嘅時候，情況並唔係咁，所以相信係因為人太多而唔夠時間預熱鐵板。雖然店員有話隨時可以去拎新嘅鐵板繼續燒，但見到佢地根本趕唔切預熱鐵板，要攞新一塊一定有排等...所以最後只能夠食左外層熟度啱啱好嘅部份，淨低一半就無再食。
整體嚟講，牛嘅肉質係好食，而且多汁，以呢個價位而言係唔錯。但各方面配套，包括座位、鐵板本身、甚至餐具都唔能夠令人滿意，有啲失望。試左一次就夠，唔會想去第二次。
三拍子牛肉300g
$109
57 views
0 likes
0 comments
Post
