Video
Read full review
2021-05-13
504 views
⭐️ 呢餐係：「好多改善空間但都仲擺得落口」嘅一餐紅磡住宅區黎講，其實都算好多野食，好多小店！今日食呢間出名食闊麵嘅日式餐廳～🍤睦月天丼定食 $78見佢menu第一頁有推介，加落單字又highlight咗咁就嗌咗。有兩隻蝦，菜就各一，有秋葵，茄子，南瓜同蕃薯。唔知大家有冇聽過，其實天婦羅係「蒸」而唔係炸。利用粉漿黎保護入面嘅食材，在食材係唔會接觸到油嘅情況下用油溫黎蒸熟啲天婦羅。咁樣做嘅天婦羅就會可以保持到食材嘅水分，食落都唔會好重油膩感。今日啲天婦羅就做唔到呢個效果啦🙅🏻♀️ 上粉漿時冇確保啲食材真係360度有粉漿就落鑊。食落成口油，冇天婦羅應有嘅脆，仲要炸到隻蝦甩皮甩骨咁🥺 雖然唔係貴食材，但係隻蝦本身都重蝦味，都ok架！飯嘅份量就略少，男仔應該就食唔飽🤰🏻自己覺得嗰汁就甜得濟，怪怪地咁🥵🦐吉列蝦瀑布闊麵 $68難得黎朝聖，點可以唔試下瀑布麵呢😛 吉列蝦就普通貨色，似急凍買返屋企可以直接dum入氣炸鍋嗰啲。湯底偏淡，認真飲先飲得出係鰹魚湯底（應該，其實都唔係好確定），但係感覺唔係自己熬，似湯包或粉溝多啲🥶。味道同平時嗰隻腐皮烏冬湯底一樣😅 瀑布麵麵粉味好重，口感硬得黎冇乜咬口。個人鍾
紅磡住宅區黎講，其實都算好多野食，好多小店！今日食呢間出名食闊麵嘅日式餐廳～
🍤睦月天丼定食 $78
見佢menu第一頁有推介，加落單字又highlight咗咁就嗌咗。有兩隻蝦，菜就各一，有秋葵，茄子，南瓜同蕃薯。唔知大家有冇聽過，其實天婦羅係「蒸」而唔係炸。利用粉漿黎保護入面嘅食材，在食材係唔會接觸到油嘅情況下用油溫黎蒸熟啲天婦羅。咁樣做嘅天婦羅就會可以保持到食材嘅水分，食落都唔會好重油膩感。今日啲天婦羅就做唔到呢個效果啦🙅🏻♀️ 上粉漿時冇確保啲食材真係360度有粉漿就落鑊。食落成口油，冇天婦羅應有嘅脆，仲要炸到隻蝦甩皮甩骨咁🥺 雖然唔係貴食材，但係隻蝦本身都重蝦味，都ok架！
飯嘅份量就略少，男仔應該就食唔飽🤰🏻自己覺得嗰汁就甜得濟，怪怪地咁🥵
🦐吉列蝦瀑布闊麵 $68
難得黎朝聖，點可以唔試下瀑布麵呢😛 吉列蝦就普通貨色，似急凍買返屋企可以直接dum入氣炸鍋嗰啲。湯底偏淡，認真飲先飲得出係鰹魚湯底（應該，其實都唔係好確定），但係感覺唔係自己熬，似湯包或粉溝多啲🥶。味道同平時嗰隻腐皮烏冬湯底一樣😅 瀑布麵麵粉味好重，口感硬得黎冇乜咬口。個人鍾意食啲煙韌少少嘅麵或烏冬所以就有少少失望啦🥲
🥣定食套餐
定食本身仲包埋一罐汽水，一碗麵豉湯同買3款前菜。汽水有得揀日本蘇打汽水👍🏻 麵豉湯都中規中矩，同平時嗰啲一樣都好鹹。前菜好似就每日都唔一樣，今日有中華沙律，醃洋蔥，同埋醃蘿蔔。個人唔係太好呢啲所以就俾咗朋友食啦～
環境質素：🌕🌕🌖🌑🌑
食物質素：🌕🌕🌗🌑🌑
CP值：🌕🌕🌗🌑🌑
回頭指數：🌕🌕🌑🌑🌑
呢個價錢食到日本野其實都算平，但真係會一分錢一分貨。如果真係好想試瀑布麵，或者鍾意麵粉味重都可以一試。但我自己就覺得可一不可再啦。紅磡都仲有好多其他日式料理，自己就應該都會揀其他。上面寫嘅價錢係原價，poly學生有9折喔💥
Post
