Video
Read full review
2010-06-19
13 views
幾位要好既舊同事起碼兩年無見，有提議到南翔饅頭店。又好啫，睇下香港分店會唔會做得出色過上海總店。菜式同樣由果位舊同事發板，我地就麥都唔使理，只係口不停地講同食，認真高興！ 鎮江肴肉 + 上海泡夫：鎮江肴肉無左層次感，啫喱部份同肉既質感模糊，食落只係感覺到一整塊東西，味道也欠奉。而上海泡夫，泡夫質感軟熟，但少左上海人既赤醬特式。 賽螃蟹：蛋白炒得嫩，亦唔油，做到水平。 炒鱔糊：味道ok，但一般响香港既上海餐廳提供既炒鱔糊都缺點火候，熱度亦唔夠，大大影響食味。 炒蝦仁：一向唔係太識欣賞呢道菜，只覺得佢既特式係將細細蝦仁炒得細嫩，味清淡，如果係咁，炒蝦仁係做到水平。 翠肉瓜鹹肉蛋餃百葉：賣相用料充滿上海風格，而味道較清淡得黎似廣東菜，起碼食唔出鹹肉帶出既鮮味。 小黃魚：炸得香脆，賣相靚仔，如果魚肉帶小許酒味會更出色。 小籠包：皮做得ok，但肉饀真係唔得，無肉香，亦無質感，到上海任何一間街坊小店都可試到比佢出色既小籠包。 雪菜金腿炒飯：賣相同食味都係是晚菜式中最出色之作，雪菜野味、飯炒得甘香、要出既味道都出曬黎，如果飯粒可以再炒乾少少會更好。總括：各菜式味道唔算唔好味，但亦都唔可以以好味黎形容
菜式同樣由果位舊同事發板，我地就麥都唔使理，只係口不停地講同食，認真高興！
鎮江肴肉 + 上海泡夫：鎮江肴肉無左層次感，啫喱部份同肉既質感模糊，食落只係感覺到一整塊東西，味道也欠奉。而上海泡夫，泡夫質感軟熟，但少左上海人既赤醬特式。
賽螃蟹：蛋白炒得嫩，亦唔油，做到水平。
炒鱔糊：味道ok，但一般响香港既上海餐廳提供既炒鱔糊都缺點火候，熱度亦唔夠，大大影響食味。
炒蝦仁：一向唔係太識欣賞呢道菜，只覺得佢既特式係將細細蝦仁炒得細嫩，味清淡，如果係咁，炒蝦仁係做到水平。
翠肉瓜鹹肉蛋餃百葉：賣相用料充滿上海風格，而味道較清淡得黎似廣東菜，起碼食唔出鹹肉帶出既鮮味。
小黃魚：炸得香脆，賣相靚仔，如果魚肉帶小許酒味會更出色。
小籠包：皮做得ok，但肉饀真係唔得，無肉香，亦無質感，到上海任何一間街坊小店都可試到比佢出色既小籠包。
雪菜金腿炒飯：賣相同食味都係是晚菜式中最出色之作，雪菜野味、飯炒得甘香、要出既味道都出曬黎，如果飯粒可以再炒乾少少會更好。
總括：各菜式味道唔算唔好味，但亦都唔可以以好味黎形容，尤其打正招牌做上海菜，但缺乏上海風味，被大打折扣。
環境：新派裝修，提供唔少寬闊舒適卡位，繁忙時段亦唔太糟，唔錯！
服務：較入既座位配置鐘一個，需要服務時客人可按鐘示意，夠體貼。但當晚我地都無試過按鐘，侍應都响附近。
Post
