四海遊龍鍋貼水餃專門店 (Closed)

平時晏收工，十點去到觀塘無咩好食，多數都係食最近小巴站的八方雲集，今次太肚餓，係新都城個FOOD COURT 搵野食算，食開八方雲集，今次食下差唔多的四海遊龍。單睇菜單，八方雲集同四海遊龍極度相似，但係四海遊龍有牛肉水餃，就決定一試，連同韓式辣味餃雙拼。雙併餃子套餐，30蚊10隻，加湯加飲品。先講牛肉餃，牛肉餃係黑椒牛肉，似是免治牛肉加黑椒，食落有點似黑椒牛丸味，味道唔錯，不過牛肉有點硬；韓式辣味餃就明顯同八方雲集不同，八方雲集好似大隻小小，多料小小，而味道亦甚不同，相當有泡菜味。而個貢丸湯有點怪。。。。下次都係飲返粟米湯。就咁食一餐都OK～食埋原味餃再對比八方雲集。