犇之食堂 (Closed)

銅鑼灣呢間台灣食堂，平時都幾多人排隊，都有啲好奇佢好唔好食。唔知點解香港嘅台灣餐廳好似好多都係行懷舊風，入都去覺得都幾靚幾有特色，令我對食物個期望都高左🤭不過食完覺得其都係正常水準，普普通通未必會encore嘅味道，如果係台灣癮起想食下台灣野都可以食下，但未到要特登推薦嘅程度🍲🐶犇之三寶麵 $86 成碗麵份量比想像中少，食完未至於好飽，但麵唔會餓，兩個人各叫一個正餐，加份小食就應該夠哂飽。麵質唔錯，用左本地手造麵條，食落彈牙有口感，湯睇落好濃郁，飲到肉味同少少藥材味，唔會飲完好口渴。因為麵唔算多，配佢嘅三寶：牛筋、牛腩、牛肚，同埋香甜嘅蘿蔔，可以一嗒餸一嗒麵🍜🐶師大香酥排骨滷肉飯 $72飯比較多，滷肉份量少，如果撈勻成碗飯應該會好淡，唔夠味，見佢枱上面有罐酸菜，足足加左三大羹😹如果唔係應該剩低成堆白飯🍚排骨份量幾足，疊埋成有兩層肉，而且炸得幾酥脆，可惜肉質較乾，無咩肉汁，而且調味比較簡單，無咩突出之處。🐶大腸拼小腸 $40好標準嘅台灣香腸味🤣粢飯幾煙韌，配埋酸菜，味道簡單。