Video
Read full review
2018-12-16
615 views
確罐蝦，我地係食野唔抹嘴嘅拉拉屎戰隊。今日幾位戰士出去尖沙咀遊雲，當然唔會放過寫食評嘅機會啦，所以即刻就SEARCH 有咩好西。望下望下就見到太平館------一間久仰大名但又無試過嘅餐廳，就啦啦臨一班人衝去……屎女人(黃)戰士：個羅宋湯好濃，小小辣，幾好味。係咁凍嘅天氣飲啖湯，成身都暖哂。屎諗但(啡)、屎狗(白)戰士：(點頭、點頭、點頭)屎花(藍)戰士：但我個忌廉湯淡而無味，杰得黎又無咩忌廉味，一D 都唔好飲。屎諗但(啡)戰士：除咗湯，我覺得餐包都好食。屎花(藍)戰士、屎狗(白)戰士：係呀係呀！好鬆軟！屎狗(白)戰士：有少少不足嘅地方，就係牛油未解凍，放咗入個包都唔溶。至於野食方面......屎靚(紅)戰士：我就覺得所有野食都好普通，比以前差咗，有D名過其實。以咁嘅價錢，唔值得去。瑞士汁干炒牛河係OK，牛脷併豬髀飯，牛脷都夠腍，但豬髀原先諗住原隻上架嘛，點知得幾片白烚豬肉，而且份量又少。（Overall 分數：７／１０)屎諗但(啡)戰士：唔係丫，瑞士汁好食過李錦記。不過冷氣有D凍。屎狗(白)戰士：瑞士汁干炒牛河，唔油膩，好味。但有D 細份，份量唔係好夠。（Overall 分數：8／１
今日幾位戰士出去尖沙咀遊雲，當然唔會放過寫食評嘅機會啦，所以即刻就SEARCH 有咩好西。望下望下就見到太平館------一間久仰大名但又無試過嘅餐廳，就啦啦臨一班人衝去……
屎女人(黃)戰士：個羅宋湯好濃，小小辣，幾好味。係咁凍嘅天氣飲啖湯，成身都暖哂。屎諗但(啡)、屎狗(白)戰士：(點頭、點頭、點頭)
屎花(藍)戰士：但我個忌廉湯淡而無味，杰得黎又無咩忌廉味，一D 都唔好飲。
屎諗但(啡)戰士：除咗湯，我覺得餐包都好食。
屎花(藍)戰士、屎狗(白)戰士：係呀係呀！好鬆軟！
屎狗(白)戰士：有少少不足嘅地方，就係牛油未解凍，放咗入個包都唔溶。
至於野食方面......
屎靚(紅)戰士：我就覺得所有野食都好普通，比以前差咗，有D名過其實。以咁嘅價錢，唔值得去。瑞士汁干炒牛河係OK，牛脷併豬髀飯，牛脷都夠腍，但豬髀原先諗住原隻上架嘛，點知得幾片白烚豬肉，而且份量又少。（Overall 分數：７／１０)屎諗但(啡)戰士：唔係丫，瑞士汁好食過李錦記。不過冷氣有D凍。
屎狗(白)戰士：瑞士汁干炒牛河，唔油膩，好味。但有D 細份，份量唔係好夠。（Overall 分數：8／１０)屎女人(黃)戰士：我就覺得河粉好有鑊氣，而且唔係碎濕濕，好有彈性，配埋瑞士汁，係好夾。粗粗嘅河粉上掛哂D 汁，好味！D 牛肉片偏少，都係一般鬆肉粉”LA” 過嘅肉。
屎狗(白)戰士：瑞士汁雞翼飯，雞中翼有驚，因為連埋雞翼尖。汁又好味，雞翼又入味，成碟都幾好食。（Overall 分數：8／１０)
屎女人(黃)戰士：剩係雞翼尖同雞皮入哂味，雞中翼入面D肉都係普通肉嘅色。唔夠熱，隻雞翼無雞汁流出黎，D 肉亦煮得唔嫰，普遍茶餐廳級數。反而幾鐘意個梳夫厘，發得高，幾有蛋味。加埋少少焦嘅外皮，令本身鬆軟、滑嘅口感，加咗少少咬口。但剩係食梳夫厘個”心”的話，有D 甜。 （Overall 分數：7／１０)
屎花(藍)戰士： 睇見個梳夫厘就好開心，因為又大個，外型又吸引，感覺好滿足。個甜度岩岩好，食落密度又幾高。四個人或以上食，就唔會過食唔哂。拉拉屎戰隊CONCLUSION：瑞士汁係幾好食，咸淡適中，帶點甜，又小小杰。但價錢略貴，份量偏少，簡單D黎講係性價比唔高。如果諗唔到食咩，都可以去試下！
P.S.「屎花(藍)戰士：BTW，D 伴菜食得出幾新鮮，而且杯咖啡都好香架，都不容錯過啊！」
Post
