8鍋臭臭鍋 (金巴利道) (Closed)

有次經過，見到好多人排隊，仲以為開左新嘅韓國餐廳，點知原來來係台式一人一鍋食店。竟然係韓國街開台灣食店，一定唔簡單。不過，食完就感覺普普通通。裝修係有花心思嘅。一入去就即刻聞到陣'臭味'。喜歡嘅朋友一定會好興奮。有八款鍋揀，全部都係$108跟一碗飯。招牌臭臭鍋係不二之選，所有材料已定，無得揀。哩款原豬大腸，臭豆腐等，係麻甩之選。其實成煲份量都幾多。味道係聞落臭，食落就無臭味嘅。味道不過不失。至於藥膳羊肉鍋就真係大為失望。一d 藥膳味都無，唔只個味道，係聞都聞唔到。反而羊肉味過重。所有食物已經熟左，並唔係打邊爐，用個煲只係保持住個溫度，又或者係gimmick姐。可能係個人口味，都係較為喜歡連鎖日式快餐個款打邊爐，自己滾自己食。