丸亀製麵 (淘大商場) (Closed)

呢排丸🐢製面好出名，並唔係因為佢野食既質素，又或者做discount,而係因為佢過億億聲既價錢收購左我地本地既食肆-譚仔三哥米線。呢個時候既廣大市民先知，原來譚仔都咁值錢架！認真係出呢單收購新聞之前我係完全唔知丸🐢係點食法架，仲以為係同個啲一般連鎖拉面店咁，坐低有waiter 行埋來幫你點野食、跟住來到就食，食完俾錢。今次行過淘大見到有間，咪入去試下。一行入去，原來係好似大家樂咁，去收銀處俾錢買野食，而佢個收銀隔離擺左好多炸物，你要一件就俾一件錢。我嗌左個豬軟骨烏冬，細細碗，48蚊，大食既女仔未必夠食，而男仔我覺得一碗面一定食唔飽，一定要夾其他小食。不過我應該唔會再來喇。