Chopsticks Fork n Knife (CFK) (Closed)

今日男朋友嚟黃竹坑搵我食飯，黃竹坑呢幾年想發展做高級商廈區，附近餐廳食野偏貴，閒閒地食一餐都要百幾蚊。我地嚟左One Island South樓下嘅Chopsticks Fork n Knife，一點幾去到好彩仲有位坐，不過就要搭枱，啲位仲係喺門口，有啲逼，環境嚟講就一般啦。****************🇰🇷泡菜豬肉豆腐鍋 首先係男友既韓式湯飯。鍋入面有豆腐、泡菜、菇、翠玉瓜同埋豬肉片。值得一讚既係湯底夠濃，唔係水汪汪，帶少少辣，非常開胃，本來跟餐既湯冇乜飲過，依個湯就飲左大半碗。不過以百幾蚊個既午餐黎講份量就有啲少，豬肉只有4、5塊簿簿的，連其他配菜既份量都唔多，雖然味道唔錯，但依個份量真係唔滿足。食物既成本從來都唔高，其實可以足料啲😢。🍱炒辣雞便當再嚟係我點嘅便當，相對湯飯嚟講抵食少少，有前菜、主食同甜品，雞柳份量多，唔會太辣，配飯開胃，但飯量有啲太少，女仔嚟講唔係好飽。泡芙就普通啦，如果有做大福/布甸/雪糕就好了😆。