一芳台灣水果茶 (Closed)

台灣人氣過江龍飲品店～一芳水果茶，已經進駐咗香港一段時間，而且港九新界都見到佢嘅分店。由於我唔係一個鍾意排隊嘅人，等人潮散咗之後，今日終於有機會試一試。😛傍晚六七點嘅時候，唔需要等，叫咗一杯最signature一芳水果茶。店員提醒我糖份比較高，建議我減低甜度。結果就叫咗半糖。😌唔需要五分鐘就有得拎啦，一入口發現果香味好重，茶味就正正常常。但係原來半糖咗都幾甜下，如果唔飲得太甜嘅人，建議微糖就已經可以啦。😖同出面嘅飲品舖相比之下，我反而覺得唔算特別出息，畢竟入面嘅新鮮水果唔係太多，而且價錢都仲係略貴，因此未必係我心目中嘅no.1茶飲店。🤔