品香樓中西風味餐廳

Open Now

Now Closed

為左杯凍朱古力慕名而來，食完依餐飯就發覺平平無奇。凍朱古力係幾好飲嘅，唔太甜，上面又有忌廉幾靚。益力多沙冰都唔錯，有香濃嘅益力多味，冇比啲冰沖淡左。琵琶豆腐伊面，豆腐好鞋口，個汁送伊面都幾好嘅，但係唔算好食囉。乳鴿反而新鮮炸起幾脆口，外脆內嫩，好味。魚香茄子煲麻麻哋，調味唔夠，一pat嘢咁，我覺得唔好食。火焰牛柳粒反而幾好味，一粒粒都好彈牙，有牛味。沙拉骨好韌，又鞋，難食。啫啫通菜煲，除咗通菜，乜野配料都無，其他餐廳整嘅都唔會咁樣，簡直係失望。依家餐廳我只會去一次，因為真係冇乜特色，除咗個杯朱古力奶，唔值得再嚟。