傷心酸辣粉 (天瑞路) (Closed)

難得今日放假，就約舊同事食餐飯，同事話想食傷心酸辣粉，於是就去咗食。夜晚人唔多，加上天氣凍，得兩三枱客。我哋每人叫咗一個套餐，我叫左口水雞，薯粉。口水雞叫咗微辣，係雞脾。雞都算幾肥下，辣又冇乜辣味，得鹹鹹地咁。薯粉叫咗清湯，啲薯粉好彈牙，咬極都咬唔難咁，有少少難吞入口。朋友叫咗個炸雞軟骨加薯粉。雞軟骨即炸，好脆口同新鮮，配埋啲汁都唔錯。仲叫咗個蒜泥白肉，但係我覺得蒜蓉味太重，個人唔係咁鍾意。嘢飲方面，叫咗杯紅豆冰，紅豆嘅份量比較少，椰汁味較重，冇咩奶味，總括來講係，清水有啲味加紅豆咁。