Seoul Bite (好順景大廈) (Closed)

見元朗雞地新開左韓式炸雞外賣餐廳就去試下，叫左一份雙併炸雞，有骨，2隻味一款簡左招牌一款簡左醬油。$128 呢個價錢黎講份量算幾多，而且外賣唔洗等好耐就炸好。 不過味道方面真係一般，雖然係賣韓式炸雞但味道真係同韓國個d冇得比，醬油味都還好，但原味炸雞真係冇乜味，d肉好淡，好似冇醃過咁，自己買d雞翼係屋企炸可能仲好味過佢。見佢門口貼住之後會出飯堡、吐司等食物，呢d韓式食物元朗冇得食，所以都會試下，但係炸雞就真係唔會encore了。