熊本燒肉

Open Now

Now Closed

母親節帶媽咪黎食燒肉，早一日book左位，可能節日關係都幾多人食，再等多15分鐘就入座，有員工會走黎講解有d咩可以升級，like佢地fb就可以有個免費壽喜燒。講解完就開始點得肉及其他野食，我地每人加左錢升級食澳洲M5和牛，其實我覺得都唔洗加，因為都唔係特別好食！同埋我地胃口比較細，所以佢原來果d都夠食！除左肉，蔬菜，菇之外，佢都有其他小食，飯同埋烏冬！我地覺得個鰻魚飯都ok既，咁當然一定冇出面日本餐廳咁出色啦。烏冬就普通，唔會話有咩特別！而個免費壽喜燒，真係都係普通，見佢免費送就可以試下既！飲品方面，佢有個雪櫃，而你想飲酒，都係要加錢先可以任飲！同埋想講個爐板既窿位太大，有幾次d比較細既食物都飛左落去！總體黎講都係普通，價錢方面都唔太抵食。