炑八韓烤 (Closed)

平時去炑八都係夜晚黎食韓燒，今日第一次中午黎食佢地嘅定食套餐。平日中午真係冇咩人，我地兩個人坐左係窗邊卡位到。我叫嘅餐係蟹膏石頭鍋飯。套餐除左主食之外仲有一份前菜同一碗海帶湯。海帶湯都係一般嘅味精湯，飲完會好口渴。蟹膏石頭鍋飯熱辣辣，有飯焦。醬油會分外上，所以自己可以控制咸度。上面嘅蟹膏分量都比得幾多，但冇咩鮮味。撈完飯之後蟹膏就消失左，睇吾到又食吾出。朋友叫左個名品大醬湯配紫菜飯。所謂紫菜飯就係白飯上面加幾條紫菜絲。大醬湯雖然睇落好辣，但只係少辣嘅程度，裡面嘅材料都幾豐富。另外叫左杯柚子梳打水，幾大杯同幾令。