大呷台灣 (Closed)

在平日11點左右去, 咁啱無咩人食，兩個人去食，一入去就有位，店內分隔和衛生做得幾好，就算單人都會有板做間隔。兩個人叫左兩個餐，一個香酥雞排配肉燥飯同鹽水鴨蔥油拌麵，跟餐叫左古早味珍珠奶茶同三杯魷魚燒，上菜速度正常。第一個餐的肉燥飯幾好食同大份，啲肉燥幾好撈飯，但香酥雞排炸粉太厚，同時雞排感覺上沒有足夠調味，只有在炸衣上面有加粉調味，導致只有在炸衣上食到味道而雞排無咩味。第二個餐有3件魷魚燒，一個蔥油拌麵，一碟鹽水鴨，一碗湯，份量很多，但全部都調味過重，太咸。飲品古早味珍珠奶幾好飲，有茶味但不會太重，珍珠口感煙韌。整體而言，食物味道一般但大份，飲品OK，衛生OK，價錢在中環都唔算太貴。