CoCo Espresso (Moved) New Location

呢間Cafe喺信德中心開咗，所以就去試一試，發現佢除咗原來有咖啡飲仲有一啲全日早餐或者係意粉，叫咗一個青醬牛油果虎蝦意粉，老實講呢個意粉真係冇乜味，落咗好多黑胡椒都冇乜味，如果去到呢個價錢要食嘅話有好多選擇，唔使一定要嚟呢度食，但係如果同朋友嚟傾吓計呢度嘅環境係唔錯嘅，乾淨同埋舒服人流比較少，唔會俾人覺得好嘈雜，但係其實佢個座位唔係好多，相信如果唔係食飯時間嘅話都唔使點樣排隊，如果係嚟飲杯咖啡傾吓計嘅就可以選擇呢度。