Andy's 烘焙坊 (積富樓) (Closed)

放工聽同事講最近大圍開左間賣蛋糕好多人排隊，見就出爐時間行去睇下。過咗出爐時間10分鐘，先有店員出黎數人數，原來一底出爐只賣到10-12條（大約，唔記得咗），咁見到咁多人排隊點解唔一早講？因買其他唔洗排。但就出爐就要繼續排，頂！焗住等等左半小時後，店員話等多20分鐘有出爐，唉，都等左咁耐，唔差個一陣，買個蛋糕，等一個鐘，想選擇個好少少，點知店員話唔可以選擇（態度唔算好）what the........ok fine....... 終於買左流心芝士，拎到番屋企仲暖既，點知，普通蛋糕一個............😑冇特別好食，冇特別難食，我去惠康買條嘉頓一條軟心蛋糕冇咁嬲，味道差唔多，係多左啲芝士😒⋯⋯無言！之後，睇番好多食評，好多人都寫店員態度差，我企左一個鐘，真係一般般。