新嘉美茶餐廳 (Closed)

早2日係伊館打完波行出黎搵食，轉出黎見到有間餐廳就衝左入去！入到黎見到唔多人，大部分都係自由行既旅客，或者同附近有酒店有關。望一望，野食都幾貴，成70蚊1個4寶飯，真係唔捨得食。我叫左個常餐既物體，有雞翼米粉加火腿奄列襯多士。可能人唔多，野食好快就黎到。個米粉好有份量，睇落似係有2個米粉咁多，絕不誇大！先試試我最愛既炸雞翼，味道唔差(其實係冇特別)，但雞翼有殘缺，斷骨的，變形的，古古怪怪。米粉質地okay，但有點點太鹹，加上太多，我完全食唔晒。火腿奄列，入面仲有粟米，甜甜地，仲有啲爽口，唔錯唔錯，多士飽得濟，都係冇食到，太浪費了。