名代宇奈備長炭燒鰻魚飯專門店 (iSQUARE國際廣場) (Closed)

好普通嘅鰻魚飯，如果啱啱燒完嘅鰻魚應該係放唔到入口，因為好熱，而且會有啲油香，但係呢個飯我又食唔到呢一種感覺，鰻魚係可以即刻擺入口，唔屬於熱應該係暖，而且我食唔到油嘅香味，醬汁都係好普通嘅醬汁，如果作為一間專門食燒鰻魚來講，我覺得佢嘅貨品只不過係比一啲大型連鎖店好啲咁樣囉，我覺得用唔到專門店呢個名，唔知係鰻魚嘅材料唔夠好，還是喺個醬汁爭啲，總之成件事佢唔係唔好食，但係又唔覺得正囉⋯⋯其實我真係唔係好識解釋，我諗你食過又會知我個意思，幫襯一次絕對可以。