板長壽司 (創紀之城五期) (Closed)

今天約左"海洋公園姐姐"和胖蕉一起晚飯，因為海洋公園姐姐剛剛去完新加坡旅行，比D手信我，所以我們約係胖蕉是日下班場所，觀塘集合。係APM真係唔知有咩食，胖蕉話剛剛經過有間板長咪去是但醫飽個肚算了。一入到去都唔洗排隊，好快就有位，個位近廚房既，剛剛是3個人的位，海洋公園姐姐面對胖蕉，我面對通道，好奇怪的坐法。先來一樣的點壽司方法，也是個PAD篤篤下，點左一輪，都好快上菜，侍應也好勤力咁一碟碟收我們的吃完的碟。其實今次都係點鵝肝、甜蝦果D，有試下新野就係醬汁燒三文魚壽司，見佢有特價所以點了每人2件，味道上不錯的，不算很咸，仍然都有三文魚的口感，但有一點腥，因為有魚皮，所以表面都有嚼口感。還有北寄貝壽司終於有特價了，味道算是普通，但平時吃價錢貴。本身絕對唔會點的刺身拼盤，今天見人多點左個，我覺得就真係麻麻，D冰太快融，變相水浸魚生，令魚生的口感變得怪怪，但係螺肉是第一次吃的，很爽口，味道算是鮮。他們送了一碗仔海蜇，味道不錯，可是有點稀。