和記餐廳 (Closed)

每一兩個星期都會叫一次和記外賣自取，雖然係員工態度同食物質素都普普通通，但因為疫情下無乜選擇就叫多左。之前都有一個後生仔好好禮貌外嘅，其他人都係普通茶餐廳既面口，所以唔係好明點解Openrice咁多人話D員工伙計好好...可能我唔係熟客掛...有次用App叫左兩個午餐，20分鐘後落到去，阿老闆娘定收銀員話我個Order俾人拎錯左，而對方個Order就留左係鋪頭度，問我介唔介意？ 佢都無解釋返人地果兩個Order係咩，又無理我果兩個餐本來係飲咩，咁我當然問清楚。阿老闆娘定收銀員先俾張單我睇係咩，其中一個係豬扒都OK但另一個餐係牛柳，咁我就解釋返我地唔食牛。阿老闆娘定收銀員果一刻仲口up up話：唔知拎錯果個人會唔會拎返落嚟......好彩有個樓面姐姐幫口話：拎返落嚟都唔要啦。😅 佢先話寫返另外一個餐俾我地同埋幫我地換返兩杯凍飲，我講完之後，阿老闆娘定收銀員好似聽唔清楚咁，最後叫我自己行去同水吧講...好彩最後幫我跟單 （即之前幫口個姐姐）都有同我跟返足，亦有話唔好意思。w趕時間，先預早係App叫定，夾時間落去拎，點知最後都係要等...