Video
Read full review
2003-12-11
8 views
近年尾，幾個clients一齊找數，同事們都收到應得的回報，皆大歡喜。銀根鬆動，又適逢有特別日子要慶祝，所以一定要食餐好的。老婆話想搵間有靚景的餐廳，所以就訂了這裡。星期一八點來到，餐廳客人不多，除了我們外差不多全是外籍人士，看樣子是這裡的住客吧！安排了玻璃窗旁的位子，超過180度的維港景致確是氣派不凡。餐廳偏暗，點起小洋燭都算幾有情調。頭盤叫了凱撒沙律，湯是木瓜蟹肉濃湯，主菜是Tandoori燒三文魚及燒羊扒。想開酒，餐酒方面，本來一向都喜歡開白酒，但要遷就不常飲酒的她，所以選了紅酒；亦由於是羊及Tandoori燒魚，所以紅酒選了2000年的南法Grenche，貪其橡木不濃，較甜美又易入口，而亦有口感，對不常飲酒的人來說較易接受。凱撒沙律賣相不俗，有羅馬生菜四大塊，原塊上，新鮮爽脆，配合蒜蓉多士粒、芝士薄脆及芝士沙律汁，是一個醒胃的頭盤。蟹肉湯都好濃郁，有幾多蟹肉在內，但幾奇怪，個湯濃得來隱約渴到龍蝦的味道，唔知點解。木瓜原來係另上，味道一般。湯裝在一個竹筒內，有點阿茂整餅。Tandoori燒三文魚扒貴為呢度的signature dish，味道當然唔錯，香料的味道同厚厚的三文魚扒都幾
星期一八點來到，餐廳客人不多，除了我們外差不多全是外籍人士，看樣子是這裡的住客吧！安排了玻璃窗旁的位子，超過180度的維港景致確是氣派不凡。餐廳偏暗，點起小洋燭都算幾有情調。
頭盤叫了凱撒沙律，湯是木瓜蟹肉濃湯，主菜是Tandoori燒三文魚及燒羊扒。
想開酒，餐酒方面，本來一向都喜歡開白酒，但要遷就不常飲酒的她，所以選了紅酒；亦由於是羊及Tandoori燒魚，所以紅酒選了2000年的南法Grenche，貪其橡木不濃，較甜美又易入口，而亦有口感，對不常飲酒的人來說較易接受。
凱撒沙律賣相不俗，有羅馬生菜四大塊，原塊上，新鮮爽脆，配合蒜蓉多士粒、芝士薄脆及芝士沙律汁，是一個醒胃的頭盤。
蟹肉湯都好濃郁，有幾多蟹肉在內，但幾奇怪，個湯濃得來隱約渴到龍蝦的味道，唔知點解。木瓜原來係另上，味道一般。湯裝在一個竹筒內，有點阿茂整餅。
Tandoori燒三文魚扒貴為呢度的signature dish，味道當然唔錯，香料的味道同厚厚的三文魚扒都幾配合，仲有一舊香草薯蓉墊底，味道不錯。專登去開放式的廚房望過，佢又真係有個tandoori烤爐的，咁似乎其他印式烤肉及naan都會做得不錯。
羊扒要raw，但上檯時已靠近medium，可能廚房離我們路程不近吧！有四支骨，幾夠份量。羊扒燒得不錯，放少少黑胡椒已經好味道，不需任何芥辣或薄荷醬汁。
支Grenche都幾唔錯，雖然唔係貴族葡萄一族，但易入口，平平地都算飲得過。
吃完主菜已很飽，無法再吃甜品，只叫了鮮果拼盤作結，但味道麻麻，最好味的就是上面的桃味雪葩，夾埋墊底的杏仁味餅乾好正。<br />
侍應服務有高級酒店水準，除了斟酒的較笨手笨腳外，起碼好幾個侍應都記得我姓咩，食左兩個幾鐘都由頭稱呼到落尾。
呢度的好處係氣氛較casual，不太拘束。但可能因為樓底較矮，多幾個客就會好應聲，來吃燭光晚餐會嘈左少少，一班朋友來傾計飲野會較適合。
埋單近一千三百，以招呼、氣氛及食物來說算係咁上下。
Post