景霖正宗四川麻辣米線 (Closed)

要數算細個食得最多既米線一定係景霖，因為近屋企之餘有一份家既感覺。10年前由一間細舖做到而家好似有3間分店，都算係成功而且都係由一家同舊員工落手落腳做。今次叫左腩肉加豬腸麻辣（小辣）米線，湯底未算是非常濃味但至少個湯都夠清而且食完唔會係咁想飲水。豬腸都去除哂所有髒物而且用鹵水製過，都好入味。腩肉唔會切得太薄而皮的位置仲好QQ，有豐富膠原蛋白既感覺。現場仲有小食好似燒雞翼都好好味架但因為今日得我一個人食，食唔到咁多唯有下次先叫喇～