Video
Read full review
2023-04-27
1683 views
慶祝生日食好啲，呢間餐廳最岀名就係可以飽覽無敵維港景，今次就嚟睇下佢嘅食物質素如何！想試多啲款式所以叫咗signature tasting menu，每位$880，total有8樣嘢。▫️吞拿魚及三文魚刺身 3/5▫️火炙油甘魚及帶子壽司配明太子醬 3.5/5頭盤先來刺身同壽司。吞拿魚切得比較薄，唔肥亦冇乜油香，同之前喺中等價位自助餐食嘅質素一樣🤣。三文魚就正常水平，材料都新鮮。帶子配海膽同三文魚籽壽司有驚喜，帶子好厚身，海膽好鮮，又唔會搶咗帶子嘅甜味，呢個配搭冇得輸！火炙油甘魚壽司反而一般，油甘魚唔厚身，雖然燒得好香但係比明太子醬搶咗魚味。️▫️ 精選生蠔配三文魚子 (4/5)OpenRice訂座signature tasting menu就會送一人一隻，生蠔入口鮮甜，唔會腥，略嫌唔夠肥美，但係以免費嚟講質素已經好好。▫️薄切紅菜頭沙律配芹菜頭羊奶芝士醬，香橙及黑醋珍珠 (2.5/5)醃過嘅紅菜頭切成圓片，加上鹹鹹哋嘅羊奶芝士醬，再配上香橙同黑醋珍珠做點綴，應該要食到甜酸鹹三種層次。但係入口黑醋味獨佔味蕾，略嫌酸味太重，食唔到其他食材嘅味道，之後將黑醋珍珠分開先食到芝士醬嘅鹹香同香橙嘅甜味，食
▫️吞拿魚及三文魚刺身 3/5
▫️火炙油甘魚及帶子壽司配明太子醬 3.5/5
頭盤先來刺身同壽司。吞拿魚切得比較薄，唔肥亦冇乜油香，同之前喺中等價位自助餐食嘅質素一樣🤣。三文魚就正常水平，材料都新鮮。帶子配海膽同三文魚籽壽司有驚喜，帶子好厚身，海膽好鮮，又唔會搶咗帶子嘅甜味，呢個配搭冇得輸！火炙油甘魚壽司反而一般，油甘魚唔厚身，雖然燒得好香但係比明太子醬搶咗魚味。
️▫️ 精選生蠔配三文魚子 (4/5)
OpenRice訂座signature tasting menu就會送一人一隻，生蠔入口鮮甜，唔會腥，略嫌唔夠肥美，但係以免費嚟講質素已經好好。
▫️薄切紅菜頭沙律配芹菜頭羊奶芝士醬，香橙及黑醋珍珠 (2.5/5)
醃過嘅紅菜頭切成圓片，加上鹹鹹哋嘅羊奶芝士醬，再配上香橙同黑醋珍珠做點綴，應該要食到甜酸鹹三種層次。但係入口黑醋味獨佔味蕾，略嫌酸味太重，食唔到其他食材嘅味道，之後將黑醋珍珠分開先食到芝士醬嘅鹹香同香橙嘅甜味，食材口味配搭唔太平衡。
▫️九條蔥花蛤麵豉湯 (4/5)
麵豉湯加入花蛤同菌類整成，聽個配搭就知唔會唔好飲。湯底不會過鹹，花甲亦大隻有鮮味，唔錯！
▫️虎蝦天婦羅 (3.5/5)
每位有兩件，炸粉夠薄薄而且蝦肉厚實彈牙。唯獨是虎蝦唔大隻，大隻啲就更加滿足！啲肉好厚實，炸粉夠薄，唔錯。天婦羅仲配有一條秋葵，食落好苦，唔識欣賞🤣
▫️自製鴨肉意大利鳥巢麵配黑巧克力及意大利瑞可達芝士醬汁(3/5)
鴨肉切到好碎，冇咗鴨肉獨特的口感和味道。醬汁食到黑巧克力嘅微微苦味，又有小小滷水嘅藥材味，個人覺得唔太夾。麵條冇乜蛋香，但係煮嘅時間啱啱好，食落唔會過硬或過淋。
主食可以三選一，簡咗唔洗額外加錢嘅兩款
▫️銀鱈魚西京燒 (2.5/5)
肉質唔嫰滑，口感似食緊魚乾多過西京燒。調味亦都過重，食多幾啖有啲鹹。
▫️油封豬仔肉 (4.5/5)
肉煮得好淋，入口即溶，皮好薄好脆，加埋甜甜地嘅紅洋蔥醬同香醋梨一齊食唔會好膩，推薦！
▫️Tiramisu (4/5)
用朱古力整成半球體狀，內有手指餅同忌廉，創意同美感十足。咖啡醬喺另外上，可以自己按喜好控制分量。手指餅唔會浸得太淋，可以睇到咖啡只滲入手指餅嘅一半，保留口感。意大利軟芝士好順滑加上忌廉厚實，唔算太甜又有層次。成個tiramisu都冇咩酒味，大人小朋友都啱食。因為係慶祝生日，提前叫咗係甜品上面寫生日message，但係嚟到淨係得個預先印好咗happy birthday嘅朱古力牌，有少少失望😬
價錢貴就預咗，不過食物水準一般，呢個價錢好大部分都係用嚟買個景，所以一定要記得request window seat！服務態度唔錯，但係未做到高級餐廳嘅水平，唔會積極跟進客人需要，舉手叫侍應有時好耐都未有人應。而tasting menu上面嘅菜式都係可以散叫嘅，想到訪嘅朋友可以參考下再選擇散叫定係叫set。
Overall rating (5粒⭐️為滿分)
味道：⭐️⭐️⭐️
服務：⭐️⭐️⭐️
環境：⭐️⭐️⭐️⭐️⭐️
性價比：⭐️⭐️
Post
