Video
Read full review
2008-09-25
24 views
唉, 又一次中伏. 又一次去左一間食完都唔開心既食店!話說我都幾鍾意食牛肉, 咁之前都見有人話呢度ok, 諗住試下啦, 點知一時懶惰冇做research, 唉!去到坐低, 睇下menu發覺有dd唔對路, 因為全部都講任食, 所以搵人黎問下有冇set, 答案係冇喎.嗌個$140既牛肉, 都冇睇清楚個湯底, 來到係平時d日式火鍋湯底, 甜既但普普通通啦. 想轉湯底又唔俾.第一碟牛肉來到, 冇映到相, 賣相叫ok, 不過唔好有期望.食完第一碟, 好快收左個碟, 以為會自動refill, 點知一問先知要自己再嗌!第二碟來到, 發現全碟牛肉只有紅色, 一d肥都冇, 食左幾塊, 勁鞋口!見唔對路就本住係消費者既心, 找個人來問下, 佢話你冇講, 咁師傅切左係咁!!於是乎咪叫人換羅, 佢都幫我地換, 不過一換之下, 新既一碟d牛肉塊塊都有舊白色野連住好似連骨切片, 佢話係軟骨來,可惜我見識少同接受能力低, 食幾塊放棄了.講真$200蚊我可以有好多選擇, 起碼唔會食完唔開心. 咁難食既shabu shabu我真係冇試過.最後講下d雪糕, 都係d下價野, 唔係話咩, 今時今日要做好個名, 仲用呢d咁既食
話說我都幾鍾意食牛肉, 咁之前都見有人話呢度ok, 諗住試下啦, 點知一時懶惰冇做research, 唉!
去到坐低, 睇下menu發覺有dd唔對路, 因為全部都講任食, 所以搵人黎問下有冇set, 答案係冇喎.
嗌個$140既牛肉, 都冇睇清楚個湯底, 來到係平時d日式火鍋湯底, 甜既但普普通通啦. 想轉湯底又唔俾.
第一碟牛肉來到, 冇映到相, 賣相叫ok, 不過唔好有期望.
食完第一碟, 好快收左個碟, 以為會自動refill, 點知一問先知要自己再嗌!
第二碟來到, 發現全碟牛肉只有紅色, 一d肥都冇, 食左幾塊, 勁鞋口!
見唔對路就本住係消費者既心, 找個人來問下, 佢話你冇講, 咁師傅切左係咁!!
於是乎咪叫人換羅, 佢都幫我地換, 不過一換之下, 新既一碟d牛肉塊塊都有舊白色野連住好似連骨切片, 佢話係軟骨來,
可惜我見識少同接受能力低, 食幾塊放棄了.
講真$200蚊我可以有好多選擇, 起碼唔會食完唔開心. 咁難食既shabu shabu我真係冇試過.
最後講下d雪糕, 都係d下價野, 唔係話咩, 今時今日要做好個名, 仲用呢d咁既食物質素, 真係難d啦.
Post
