厚興瑜記手撕雞 (卓爾廣場)

Open Now

Now Closed

今次叫左二人套餐 $128包括手撕雞半隻、自選小吃拼盤、時菜、湯同埋飯。問咗老闆清遠手撕雞同招牌雞有咩分別，原來清遠手撕雞係養得比較耐嘅雞所以肉質比較厚實，而相反招牌雞就係後生啲，所以會柔嫩啲。最後我揀咗清遠手撕雞，配姜茸同埋口水醬。小食拼盤我揀咗雞腎同埋麻辣豬耳。份量都多嘅，麻辣豬耳對於我呢個唔食辣嘅人來講都幾辣，但係未去到接受唔到，如果鍾意食辣嘅朋友可能就未必夠辣。今日嘅靚湯係紅蘿蔔青蘿蔔雞腳湯，好足料俾咗好多蘿蔔同三隻雞腳。菜就係高湯娃娃菜，正常叫做為呢一餐添加啲纖維。最後我仲叫咗一個3.6牛乳水晶華田呢個個二人餐唔包嘅要額外加$16，華田味唔會好似平時茶餐廳飲好重，但夾雜着奶香，好飲得黎又唔會過分地甜，奶凍口感QQ，我都幾推介呢個飲品。