東京大眾酒場 (Closed)

大角咀附近新開左一間日式餐廳，好有居酒屋嘅感覺。見佢選擇好多元化，有關東煮、拉麵、浜燒、先付、鍋物同啤酒。老闆都好好招呼，親自睇場。關東煮關東煮熱辣辣，最啱冬天食。我地就叫左蘿蔔、竹輪、芋絲同日本魚餅。每一樣都煮得好稔身，特別係蘿蔔，入口即融。芋絲就好有咬口。魚餅就有啲似食緊魚板咁。美人鍋。個鍋比想像中大個，以為係吉野家嘅size，點知係屋企打邊爐個啲大煲。上枱嘅時候係生雞肉，等佢滾嘅時候已經聞到好香雞湯味。煲入面有好多蔬菜同菜，2個人share都未必食得曬。備長炭燒物。我地分另叫左和牛串、雞肉串同雞腎串。和牛入口即融，好香油脂味，好少串燒可以做到e個效果。雞肉調味好突出，好滑，雞腎好爽口。雞湯。每個客人都會有一杯雞湯，個雞湯睇落去平平無奇。飲落去你會發現佢好足料，每飲一啖都好似食緊雞肶嘅雞油咁，好濃味。汁煮響螺。平時食日本野好少會見到有響螺，見到e到有就即刻叫黎試下。個螺煮得好入味，入口有小小酒味，一啲都唔腥。