Video
Read full review
2008-12-14
10 views
14-12-20080係銅鑼灣想食個水準日式 lunch, 選擇其實多的是, 但要平又要好食, 就一 d 都唔易, 而呢日同朋友撞了上0黎呢間居酒屋, 就因為睇了食友天平貓貓連續幾篇的食評, 知道呢度有幾平又好似不錯的 set lunch 供應. 12:30pm 坐低, 佢先好似0岩0岩開門咁, 冷氣都未開, 環境幾焗, 但冷氣一開0左後, 就吹到頭都痛, 真係 -_-" 唯有快叫快食快閃!叫了鍋燒烏冬定食 ($48; 跟蒸蛋, 一「楷」橙及餐飲):- 蒸蛋: order 0野食後 1 分鐘就有得食, 唔知蒸好放0左幾耐? @_@" 不過好在佢仲係熱的... 蒸蛋配料有日式魚蛋, 蟹柳及白果, 味道 ok, 不過完全唔夠滑, 而且面頭塊日式魚蛋係樣衰又難吃, 食落又乾又硬, 整體印象麻麻.- 鍋燒烏冬: 將隻半生蛋撈到 d 熱辣辣湯內, 果然香唔少, 感覺不錯. 烏冬唔算彈牙, 但出奇地幾煙韌, 意料之外! 蝦天婦羅一早已浸濕了, 加上炸漿厚得過分, 唯有自行幫佢「去皮」, 淨食隻蝦, 都幾爽口吧; 仲有件燒雞扒, 肉滑又醃得入味, 幾好食; 其他配料有識得自行發大及「
0係銅鑼灣想食個水準日式 lunch, 選擇其實多的是, 但要平又要好食, 就一 d 都唔易, 而呢日同朋友撞了上0黎呢間居酒屋, 就因為睇了食友天平貓貓連續幾篇的食評, 知道呢度有幾平又好似不錯的 set lunch 供應. 12:30pm 坐低, 佢先好似0岩0岩開門咁, 冷氣都未開, 環境幾焗, 但冷氣一開0左後, 就吹到頭都痛, 真係 -_-" 唯有快叫快食快閃!
叫了鍋燒烏冬定食 ($48; 跟蒸蛋, 一「楷」橙及餐飲):
- 蒸蛋: order 0野食後 1 分鐘就有得食, 唔知蒸好放0左幾耐? @_@" 不過好在佢仲係熱的... 蒸蛋配料有日式魚蛋, 蟹柳及白果, 味道 ok, 不過完全唔夠滑, 而且面頭塊日式魚蛋係樣衰又難吃, 食落又乾又硬, 整體印象麻麻.
- 鍋燒烏冬: 將隻半生蛋撈到 d 熱辣辣湯內, 果然香唔少, 感覺不錯. 烏冬唔算彈牙, 但出奇地幾煙韌, 意料之外! 蝦天婦羅一早已浸濕了, 加上炸漿厚得過分, 唯有自行幫佢「去皮」, 淨食隻蝦, 都幾爽口吧; 仲有件燒雞扒, 肉滑又醃得入味, 幾好食; 其他配料有識得自行發大及「解體」成絲的「麵粉」蟹柳, 菠菜一堆, 冬菇兩隻及大蔥, 加加埋埋唔算好出色, 但味道幾住家 feel, 而且食完幾暖胃的, $48 收貨了.
- 0個「楷」橙就因為太樣衰, 慘遭放棄.
- 餐飲揀了熱咖啡, 奉上的係普通室溫奶... 咖啡聞落帶點 instant coffee feel, 睇0黎本身品質麻麻, 可幸飲落只係唔夠香濃, 唔係有無酸澀味的問題.
朋友的係鰻魚飯定食 ($58; 跟蒸蛋, 漬物, 麵豉湯, 一「楷」橙及餐飲):
- 試了一啖麵豉湯, 味道怪怪的.
- 試了一啖鰻魚, 品質一般, 而且燒得好(火農)0下的, 黑色一撻撻又帶點(火羅)味, 加埋水浸咁多醬汁, 麻麻.
- 又試了一啖飯, 係煮得太乾又硬得滯的普通米 (咩米就唔知, 但一定唔係珍珠米!), 係好麻麻的. 難怪朋友食剩 1/4 盒, 仲不斷「懷念」三河屋 (上次帶佢去食的經歷: http://www.openrice.com/restaurant/commentdetail.htm?commentid=1947790) 出品云云, 哈哈.
- 唔知熱奶茶好唔好飲?
環境暗暗的, 俾人好放夜工食宵夜0既感覺; 招呼就幾港式日本餐廳的招呼, 印象一般.
連加一每人約 $60, 食物其實唔差, 銅鑼灣0黎講算好抵了.
不過, 下次我會行出一條街, 搭 106 巴士去紅磡食更好食的.
Post
