意粉屋 (Closed)

踏入秋天，食火鍋嘅日子亦跟著開始，今次就為大家介紹意粉屋於秋冬推出嘅「雙城牛肉芝士火鍋」！一開始芝士火鍋係由意粉屋率先帶到香港，所以意粉屋可以稱得上係香港嘅芝士火鍋專家！今年嘅芝士火鍋底係混合咗四款不同嘅芝士：意大利 Mozzarella、Parmesan同埋瑞士 Gruyere、Emmenthal 芝士配上咗適量白酒、香草嘅精心「芝」作。這個芝士火鍋套餐除咗有火鍋配料外，仲有兩款頭盤：西班牙風乾牛肉、蘇格蘭煙三文魚黑醋沙律平時食嘅煙三文魚嘅味道都會偏鹹，但這味煙三文魚味道剛剛好，正好為之後嘅芝士火鍋帶來清爽感覺。西班牙西北部城市 Astorga 出產嘅風乾牛肉係西班牙矜貴美食之一，因地埋環境令風乾肉質較佳，帶有較濃嘅咸香味，令味道更香。享肉芝士火鍋前先品嘗呢道風乾牛肉，為芝士火鍋打開序幕。肉質嫰滑嘅澳洲特級牛肉，切成薄片蘸芝士食用，味道一流再配合六巧碟：橄欖油槍香草槍魷魚、辣味燒烤腸、意式肉丸、西蘭花、香草白菌、螺絲粉，當中我最喜愛嘅就係辣味燒烤腸，第一啖時未感覺到佢嘅辣味，但隨之而來，辣味不斷在口腔盤迴。再加上美國瘋薯及雙式包粒，成就咗一頓豐富嘅芝味饗宴。