滾喜火鍋專門店 (Closed)

去旺角滾喜食火鍋雞煲，一行四人。點咗208元安格斯牛肉套餐，雞煲先上，份量啱啱好，打開煲蓋香氣四溢，麻辣味勁香，雖然係少辣但適合大家口味。雞肉鮮嫩入味，令人回味無窮。接住加咗上湯就點火鍋料，一般的材料都齊備，安格斯牛肉即滾即食，稔甜惹味，食過不停。而牛舌薄薄一片，一口又一口。跟住羊肉片嫩滑冇羶味。飽滿餓腸，鮮魚片爽滑，鮮蝦甜美。任食任飲冇得輸。再黎有我最鍾意嘅雲吞水餃，仲有魚片頭，響鈴，最值得推介必定係鹹蛋黃魚皮，自家製！甘香濃郁，必食！！之後有皇帝菜，味道特別新鮮好食，配上湯汁就更加惹味。值得一讚服務員眼明手快，殷勤侍候，食得舒服。